سيتم الإلتقاء مع أعضاء المنتدى

يوم الجمعة القادم الموافق 10/10/2008 الساعة 11:30 بمدرج 2 بكلية الإعلام

نرجوا تشريف كل الأعضاء

إدارة المنتدى

علم وسينفذ يا فندم
فى انتظاركم هناك ان شاء الله
الى اللقاء

nice
i will be ready even its early
وعندي سؤال يا مستر احمد مهم لاني مشترتش المحاضره الاخيره من مكتبه الجامعه مع اني سئلت دكتوره ابتسام وقالت لازم اجيبها مع المحاضره اللي انا كتبتها معاها وهو هل مكتبه الجامعه بتكون شغاله يوم الجمعه ولا اجازه ارجو الافاده

شكرا للجميع

وفى انتظاركم

يوم الجمعة إنشاء الله

شكرا للرد علي استفساري يا استاذه لمياء بس انا عندي تساؤل تاني يا استاذ احمد هو بصرف النظر ان الاعضاء اللي بياكدوا علمهم وامكانيه تواجدهم من عدمه هنا علي المنتدي ده معناه انهم هيهتموا ويستجيبوا ولا ايه انا اصلي لاحظت انك انت وانا ولمياء فقط اللي متحمسين او مهتمين تعتقد ده طبيعي ولا ايه اتمني مكنش بدوشك او بتدخل فيث شئون المنتدي بلا داعي فقط انا بحاول اشارك ويكون ليا دور اتمني انه مع الوقت يكون ايجابي وكمان هل مدرج اتنين في التوقيت ده هيكون في محاضرات زي المتوقع ولا احنا ونصيبنا

بالنسبة لباقى الأعضاء لا تتصور أن الجميع يدخل على النت كما ندخل نحن

وبعدين كل واحد وله ما يريده من المنتدى ممكن تلاقى ناس شايفاه كويس وممكن تلاقى ناس رأيهم غير كده وممكن تلاقى ناس ينقصها الحماس لتعمل ويترقبون لحين حدوث حدث ما ليشاركوا بفاعليه وممكن تلاقى ناس مكسوفة تشارك بدافع الخجل صدقنى ممكن وممكن تلاقى ناس مش فاضية أساسا.

أنا لا ألومهم ولا أعتب عليهم كل من سجل معنا زميل محترم سواء شارك الآن أم شارك فيما بعد إحنا بنعمل اللى علينا وإن كنت أتمنى من داخلى أن يشارك الجميع لأن الغرض الأساسى من المنتدى أن يكون نافذة نطل منها على العالم ونعرض أنفسنا من خلالها لنريهم قدراتنا وإيد لوحدها ما تسقفش لازم مشاركة الجميع

ولا تنسى أن زملاءنا فى الترم الأول لا يعلمون عن المنتدى شىء حتى الآن ويمكن فى ترمات أخرى ما زالوا لا يعلمون شيئا نظرا لبدأ المنتدى قبل الدراسة من ناحية ونظرا لتأخر الدراسة لأجازة العيد من ناحية أخرى فما زال المنتدى مجهول للكثيرين

وبالنسبة لمدرج 2 فقد سألت عن يوم الجمعة وعلمت أن الفترة الصباحية تنتهى بعد الساعة 11:30 صباحا ونحن عندنا المسائية بعد الصلاة إن شاء الله فأنسب ميعاد هو مع إنتهاء الفترة الصباحية فى ذلك الوقت حتى نتعرف أكثر على زملاءنا فصدقنى لم أقابل أحد منهم حتى الآن إلا من خلال النت أو التليفون فهى فرصة للتقابل وتحديد مواعيد ثابتة بعد ذلك للإجتماع.

أرجوا أن أكون قد أوضحت كل نقاط أسألتك

وأشكرك على السؤال فهو بجد كنت أريد طرحة ولكن أجلته لما بعد نشر الموقع بالفعل على جميع الطلاب الزملاء

وتقبل تحياتى

هايل يا احمد باشا ما شاء الله ردود مقنعه موت وكمان عندك حق انا اللي فاتني اني انظر للموضوع بصبر وبعد نظر ويمكن تفسير الحاله دي هي اني فعلا متحمس وبتمني ان المنتدي ده يكبر ويحقق كتير من اهدافه وكمان في وقت قصير لكن بشكل عام بدايه مش بطاله وان شاء الله مزيد من الازدهار الفتره اللي جايه وان كنت متصور انه هيحتاج مجهود ولازم الكلام ده يوصل لكل واحد مشترك في المنتدي انه هو كمان يدعو ويعلن عنه لاصدقائه بمختلف توجدهم في الترمات علي اي حال خلينا نشوف الفتره اللي جايه هتثبت ايه

إنشاء الله خير

واتمنى أن نعلن جميعا عنه باكر

حتى يتسنى للعديد من الأعضاء الدخول والمشاركة

وهو منتداكم شاركوا فيه كما تريدون

ايه الكلام الجامد دة
ههههههه
بكرة يبقى المنتدى يسمع فى الجامعه كلها مش الكليه بس
ومقابلتنا فى الكليه هاتعرف المنتدى اكتر
وان شاء الله خير
انا متفائل كتييييييير





[img]http://www.smileycentral.com/sig.jsp?pc=[object Object]&pp=ZNman000[/img]

يا رب المنتدى يسمع

دى أمنية يا رب تتحقق

علشان الخير يعم على الكل

الاجتماع كل يوم جمعة اذا كانت المحاضرات صباحى نتقابل بعدها

اذا كانت مسائى نتقابل قبلها مباشرة

شكرا لاهتمامك وحا نشوفك أكيد فى المدرج

احنا كلنا تقريبا بنقعد جنب بعض

البنش الثالث او الرابع

نتقابل يوم الجمعة انشاء الله

فى انتظارك